«Azadlıq» bloku ölkə başçısını dialoqa dəvət edir

Ona yeni siyasi məhus siyahısı təqdim olunub Müsavat, Demokrat və Xalq Cəbhəsi partiyalarının yaratdığı «Azadlıq» seçki bloku ölkə başçısı İlham Əliyevi dialoqa dəvət edir. Bu haqda blokun yaydığı bəyanatda deyilir. Blok iqtidar-müxalifət görüşünün partiyalararası dialoqla əvəzləmək cəhdini iqtidarın, xüsusən də prezident İlham Əliyevin siyasi məsuliyyətdən qaçmaq cəhdi, siyasi təcrübəsizliyi, müasir demokratik dəyərlərdən uzaq olması, hakimiyyətin sabitlikdə və parlament seçkisinin demkoratik keçirilməsində maraqlı olmaması kimi qiymətləndirir.



Avqustun 19-da prezident İlham Əliyev jurnalistlərlə söhbətində bildirmişdi ki, hakimiyyətlə müxalifət arasında dialoqa ehtiyac yoxdur. Dialoq partiyalar arasında keçirilməlidir.