İyunun 5-də ombudsman Elmira Süleymanova və Təhsil Nazirliyi İcra Aparatının rəhbəri İlham Pirməmmədov Müstəqil Azərbaycan Universitetində bu ali məktəbin aclıq edən tələbələrinə baş çəkiblər. Görüşdə bildirilib ki, universitetin 3 və 4-cü kurs tələbələrinin təhsili qanuni sayılır. Sonucu kursda təhsil alanlar oxuduqları universitetdən diplom ala biləcəklər. 3-cü kursda oxuyanlar isə başqa ali məktəblərə köçürüləcək. 2-ci kurs tələbələrinin isə təhsillərinin qanuna uyğun olub-olmadığını məhkəmələr araşdıracaq.
Görüşdə irəli sürülən təkliflərlə razılaşmayan tələbələr bildiriblər onların tələbləri tam şəkildə yerinə yetirilməyənə qədər aclıq aksiyasını davam etdirəcəklər.
Bu arada aclıq edən tələbələrindən ikisinin - Elvin Hüseynov və Zəfər Cəfərovun səhhəti iyunun 6-da pisləşib. Nəticədə onlar xəstəxanaya köçürülüb. Hər iki tələbə hələ ki, aclığı dayandırmasa da, onlara ilk tibbi yardım göstərilib.
Aclıq edənlərdən İlahə Məmmədovanın də vəziyyəti pisləşib.
İyunun 6-da aclıq edən tələbələrə millət vəkili İqbal Ağazadə, hüquq müdafiəçiləri Səidə Qocamanlı, Səadət Bənənyarlı və Novella Cəfəroğlu baş çəkib.