Müstəqil Azərbaycan Universitetinin bir qrup tələbəsi öz hüquqlarının bərpası tələbi ilə məhkəməyə müraciət etmək qərarına gəlib. Bu barədə «Azadlıq» radiosuna aclıq aksiyasında iştirak edən 3-cü kurs tələbəsi Xalid Qarayev məlumat verib.
İyunun 8-də tələbələrə millət vəkili Fuad Muradov baş çəkib.
Təhsil Nazirliyi qanunsuz tələbə qəbul etmək ittihamı ilə Müstəqil Azərbaycan Universitetinin lisenziyasını ləğv etdikdən sonra, həmin ali məktəbin bir qrup tələbəsi başqa universitetlərə bərpa olunmaq tələbilə iyunun 1-dən aclıq aksiyası keçirir.
İyunun 8-də aclıq edən tələbələrdən ikisinin səhhəti pisləşib.