Azərbaycan müxalifəti ölkə hakimiyyətini NATO-ya üzv olmağa çağırıb. Mayın 6-da Qarabağ və Respublika Uğrunda Vətəndaş Hərəkatının Sədrlər Şurasının keçirilən iclasında partiya rəhbərləri iqtidarın Alyansla uzun müddətdən bəri davam edən əməkdaşlığını müsbət qiymətləndiriblər.
ADP-nin sədri Sərdar Cəlaloğu «Azadlıq» radiosuna deyib ki, onlar bu əməkdaşlığın artıq üzvlük müstəvisinə keçməsinin vaxtının çatdığını hesab ediblər:
«Biz hakimiyyətə müraciət edirik ki, artıq NATO-ya üzv olmaq üçün çağırış etsin. NATO-nun Dağlıq Qarabağ münaqişəsiylə bağlı tutduğu mövqe Azərbaycanın milli maraqlarına uyğundur».
S.Cəlaloğlunun sözlərinə görə, onlar Avropa Birliyinin Şərq Tərəfdaşlığı Proqramını da müzakirə ediblər. Hərəkat mayın 7-də keçiriləcək Praqa sammitinin iştirakçılarına da müraciət edib:
«İndiyə kimi beynəlxalq təşkilatlar Azərbaycana münasibətdə geopolitik və iqtisadi məsələləri proritet götürürdülər. Biz arzu edirik ki, bu proqramda əsas prioritet demokratiya, insan haqları olsun».
Müxalifət təmsilçiləri aprelin 30-da Neft Akademiyasında kütləvi ölümlə nəticələnən hadisəni də müzakirə ediblər. S.Cəlaloğu deyir ki, partiya liderləri müzakirələr nəticəsində ölkənin güc strukturlarının ekstremal vəziyyətə hazır olmadıqları qənaətini bölüşüblər:
«Gürcüstandan alınmış silah ölkəyə keçirilib. Deməli, sərhədlərin qorunmasında problem var. Fikrimizcə, sərhədlərin yaxşı qorunmaması vətəndaşların daxili təhlükəsizliyinə ciddi təminat olmadığını göstərir».
Dövlət Sərhəd Xidmətinin rəhbəri Elçin Quliyev isə mayın 6-da jurnalistlərə müsahibəsində bildirib ki, Neft Akademiyasına silahlı basqın edən Fərda Qədirovun «Makarov» tipli tapançanı Azərbaycana necə keçirdiyilə bağlı araşdırma aparılır.
ADP-nin sədri Sərdar Cəlaloğu «Azadlıq» radiosuna deyib ki, onlar bu əməkdaşlığın artıq üzvlük müstəvisinə keçməsinin vaxtının çatdığını hesab ediblər:
«Biz hakimiyyətə müraciət edirik ki, artıq NATO-ya üzv olmaq üçün çağırış etsin. NATO-nun Dağlıq Qarabağ münaqişəsiylə bağlı tutduğu mövqe Azərbaycanın milli maraqlarına uyğundur».
S.Cəlaloğlunun sözlərinə görə, onlar Avropa Birliyinin Şərq Tərəfdaşlığı Proqramını da müzakirə ediblər. Hərəkat mayın 7-də keçiriləcək Praqa sammitinin iştirakçılarına da müraciət edib:
«İndiyə kimi beynəlxalq təşkilatlar Azərbaycana münasibətdə geopolitik və iqtisadi məsələləri proritet götürürdülər. Biz arzu edirik ki, bu proqramda əsas prioritet demokratiya, insan haqları olsun».
Müxalifət təmsilçiləri aprelin 30-da Neft Akademiyasında kütləvi ölümlə nəticələnən hadisəni də müzakirə ediblər. S.Cəlaloğu deyir ki, partiya liderləri müzakirələr nəticəsində ölkənin güc strukturlarının ekstremal vəziyyətə hazır olmadıqları qənaətini bölüşüblər:
«Gürcüstandan alınmış silah ölkəyə keçirilib. Deməli, sərhədlərin qorunmasında problem var. Fikrimizcə, sərhədlərin yaxşı qorunmaması vətəndaşların daxili təhlükəsizliyinə ciddi təminat olmadığını göstərir».
Dövlət Sərhəd Xidmətinin rəhbəri Elçin Quliyev isə mayın 6-da jurnalistlərə müsahibəsində bildirib ki, Neft Akademiyasına silahlı basqın edən Fərda Qədirovun «Makarov» tipli tapançanı Azərbaycana necə keçirdiyilə bağlı araşdırma aparılır.
