Azərbaycan Tibb Universitetinin (ATU) kitabxanasında dəhliz boyu döşənmiş xalı, nəzarətçilərin oxucularla səmimi rəftarı, səssizliyə tam riayət olunan oxu zalları və s. ilk baxışdan hər şeyin normal olduğunu göstərir. Amma kitabxananın tam hüquqlu istifadəçiləri olan Tibb Universitetinin tələbələri vəziyyətdən narazıdırlar. Onlar deyirlər ki, dəfələrlə kitabxanaya müraciət etsələr də, əliboş geri qayıdıblar.
«İstədiyimiz kitablar yoxdur. Özəlliklə ingilis dilində heç yoxdur. Olan kitabların çoxu rus dilindədir, köhnə-köhnə kitablardır. Yəni, onlar heç bir şeyə yaramır. Heç bir xeyir görməmişik o kitablardan».
Bu, İran vətəndaşı, Tibb Universitetinin adını demək istəməyən 3-cü kurs tələbəsinin etiraflarıdır. Tibb Universitetində 2 mindən artıq belə xarici tələbə təhsil alır və müsahibimizin dediyinə görə, xarici tələbələrin əksəriyyəti bu problemlə qarşılaşır.
«MƏCBUR OLUB ÖZ HESABIMIZA KİTAB ALIRIQ»
Adını vermək istəməyən digər tələbə Tibb Universitetinin kitabxanasında yeni nəşrli kitabların olmamasından gileylənir:
«Kitabxanada təzə nəşr olunmuş xarici ədəbiyyatların Azərbaycan dilinə tərcüməsinə rast gəlmirik, ümumiyyətlə olmur kitabxanada. Məcbur olub öz şəxsi hesabımıza, maddi imkanlarımızdan istifadə edərək xarici ədəbiyyatları alıb istifadə edirik».
Müalicə işi fakültəsinin 3-cü kurs tələbələrinin dediklərinə görə, «Normal fiziologiya», «İnsan biokimyası» və «Sitologiya» əsas fənn sayılsa da, universitet kitabxanasında bu barədə olan kitablar ötən əsrin 50-60-cı illərinə aiddir. Rus dilində olan bu kitablar həm də yararsız vəziyyətdədir. Tələbələr onu da deyirlər ki, bu fənlər 2 kurs tədris edilir. Araşdırmamıza əsasən, Bakı şəhərindəki kitab mağazalarında bu kitabların satış qiyməti 35 manatdan yuxarıdır.
«OXUCULAR ŞİKAYƏTLƏRİNDƏ HAQLIDIRLAR»
ATU-nun kitabxana direktoru Mirzəmməd Novruzov deyir ki, nəşriyyatlarda çap olunan kitabların məcburi nüsxələri «Nəşriyyat işi haqqında» qanuna əsasən kitabxanalara verilməlidir. Amma nə nəşriyyatlar, nə də kitab müəllifləri buna riayət edirlər. M.Novruzov bildirir ki, dəfələrlə universitet rəhbərliyinə müraciət edərək deyib ki, yuxarıda sadalanan səbəblərə görə, kitabxanada son dövrün nəşrləri azlıq təşkil edir.
Onun sözlərinə görə, kitabxana maliyyə problemlərinə görə kitab ala bilmir və universitetin büdcəsindən bir növ asılı vəziyyətdə qalıb.
Bakı şəhərində yerləşən universitetlərdə apardığımız sorğudan məlum oldu ki, hər bir universitet kitabxanasına xüsusi büdcə ayırır. ATU-nun kitabxanası isə universitet rəhbərliyinə nə zaman müraciət etsə, onda pul ayrılır.
MƏCNUN GÖYÇƏLİNİN «OCAQYALI» POEMASI
Tibb Universitetinin kitabxanasına daxil olan son Azərbaycan dilli nəşr Məcnun Göyçəlinin 2009-cu ildə çap edilmiş «Ocaqyalı» poemasıdır. O da ötən ilin dekabr ayında daxil olub. Uzun sürən fasilədən sonra 2009-cu ilin oktyabr ayında kitabxanaya daxil olmuş xarici ədəbiyyat isə nəşri 2000-ci ilə aid olan «İnsan anatomiyası atlası» kitabıdır.
M.Novruzovun sözlərinə görə, 801 min kitabxana bazasının 70 minini xarici ədəbiyyat təşkil edir ki, bunun da əksəriyyəti kitabxanaya sovet dövründə daxil olub. Buna səbəb olaraq o deyir ki, xarici dil bilən kadr yoxdur deyə qərb ölkələrilə əlaqə saxlayıb onlardan kitab ala bilmirlər.
TİBB UNİVERSİTETİ BİOLOGİYA MÜƏLLİMİ YETİŞDİRİR
Universitetdən aldığımız məlumata görə, kitabxanaya son bir ildə Azərbaycan dilində 1600 kitab daxil olub ki, bunun əksəriyyətini köhnə nəşrli bədii ədəbiyyat təşkil edir. Xarici dildə daxil olan 120 kitabın böyük hissəsi isə biologiyaya aiddir (tələbələrin insan fiziologiyasına aid kitab tapmadıqları halda).
Universitetin kitabxana işçilərindən aldığımız məlumata görə, bu yaxınlarda yoluxucu xəstəliklərə dair bir kitabdan 200 nüsxə müəllifi tərəfindən kitabxanaya təqdim olunub. Müəllif təkid edib ki, kitab tələbələrə satılsın. Kitabın da qiyməti 25 manatdır. Müəllif kitabın kitabxana tərəfindən alınmasına qarşıdır, çünki kitabxana təqdim olunan kitabı öz qiymətinə yox, kalkulyasiya qiymətinə alır. Bu zaman kitabın qiyməti 25 manatdan aşağı düşür, bu da müəllifə sərf etmir.
ELEKTRONLAŞMAYA KEÇİDƏ 3 DƏFƏ CƏHD EDİLİB
Tibb Universitetinin elektron saytında bildirilir ki, kitabxana 1990-cı ildə elektron kataloqun tərtibinə başlasa da, kompyuter xarab olduğundan iş yarıda dayanıbmış. M.Novruzov deyir ki, elektronlaşmaya keçidə 3 dəfə cəhd edilib. Nəhayət 3-cü cəhd uğurla nəticələnib və...Tibb Universitetinin kitabxanasında olan «köhnə nəşrli – rus dilli» bütün kitablar elektron kataloqa salınıb.
«İstədiyimiz kitablar yoxdur. Özəlliklə ingilis dilində heç yoxdur. Olan kitabların çoxu rus dilindədir, köhnə-köhnə kitablardır. Yəni, onlar heç bir şeyə yaramır. Heç bir xeyir görməmişik o kitablardan».
Bu, İran vətəndaşı, Tibb Universitetinin adını demək istəməyən 3-cü kurs tələbəsinin etiraflarıdır. Tibb Universitetində 2 mindən artıq belə xarici tələbə təhsil alır və müsahibimizin dediyinə görə, xarici tələbələrin əksəriyyəti bu problemlə qarşılaşır.
«MƏCBUR OLUB ÖZ HESABIMIZA KİTAB ALIRIQ»
Adını vermək istəməyən digər tələbə Tibb Universitetinin kitabxanasında yeni nəşrli kitabların olmamasından gileylənir:
«Kitabxanada təzə nəşr olunmuş xarici ədəbiyyatların Azərbaycan dilinə tərcüməsinə rast gəlmirik, ümumiyyətlə olmur kitabxanada. Məcbur olub öz şəxsi hesabımıza, maddi imkanlarımızdan istifadə edərək xarici ədəbiyyatları alıb istifadə edirik».
Müalicə işi fakültəsinin 3-cü kurs tələbələrinin dediklərinə görə, «Normal fiziologiya», «İnsan biokimyası» və «Sitologiya» əsas fənn sayılsa da, universitet kitabxanasında bu barədə olan kitablar ötən əsrin 50-60-cı illərinə aiddir. Rus dilində olan bu kitablar həm də yararsız vəziyyətdədir. Tələbələr onu da deyirlər ki, bu fənlər 2 kurs tədris edilir. Araşdırmamıza əsasən, Bakı şəhərindəki kitab mağazalarında bu kitabların satış qiyməti 35 manatdan yuxarıdır.
«OXUCULAR ŞİKAYƏTLƏRİNDƏ HAQLIDIRLAR»
Onun sözlərinə görə, kitabxana maliyyə problemlərinə görə kitab ala bilmir və universitetin büdcəsindən bir növ asılı vəziyyətdə qalıb.
Bakı şəhərində yerləşən universitetlərdə apardığımız sorğudan məlum oldu ki, hər bir universitet kitabxanasına xüsusi büdcə ayırır. ATU-nun kitabxanası isə universitet rəhbərliyinə nə zaman müraciət etsə, onda pul ayrılır.
MƏCNUN GÖYÇƏLİNİN «OCAQYALI» POEMASI
Tibb Universitetinin kitabxanasına daxil olan son Azərbaycan dilli nəşr Məcnun Göyçəlinin 2009-cu ildə çap edilmiş «Ocaqyalı» poemasıdır. O da ötən ilin dekabr ayında daxil olub. Uzun sürən fasilədən sonra 2009-cu ilin oktyabr ayında kitabxanaya daxil olmuş xarici ədəbiyyat isə nəşri 2000-ci ilə aid olan «İnsan anatomiyası atlası» kitabıdır.
M.Novruzovun sözlərinə görə, 801 min kitabxana bazasının 70 minini xarici ədəbiyyat təşkil edir ki, bunun da əksəriyyəti kitabxanaya sovet dövründə daxil olub. Buna səbəb olaraq o deyir ki, xarici dil bilən kadr yoxdur deyə qərb ölkələrilə əlaqə saxlayıb onlardan kitab ala bilmirlər.
TİBB UNİVERSİTETİ BİOLOGİYA MÜƏLLİMİ YETİŞDİRİR
Universitetin kitabxana işçilərindən aldığımız məlumata görə, bu yaxınlarda yoluxucu xəstəliklərə dair bir kitabdan 200 nüsxə müəllifi tərəfindən kitabxanaya təqdim olunub. Müəllif təkid edib ki, kitab tələbələrə satılsın. Kitabın da qiyməti 25 manatdır. Müəllif kitabın kitabxana tərəfindən alınmasına qarşıdır, çünki kitabxana təqdim olunan kitabı öz qiymətinə yox, kalkulyasiya qiymətinə alır. Bu zaman kitabın qiyməti 25 manatdan aşağı düşür, bu da müəllifə sərf etmir.
ELEKTRONLAŞMAYA KEÇİDƏ 3 DƏFƏ CƏHD EDİLİB
Tibb Universitetinin elektron saytında bildirilir ki, kitabxana 1990-cı ildə elektron kataloqun tərtibinə başlasa da, kompyuter xarab olduğundan iş yarıda dayanıbmış. M.Novruzov deyir ki, elektronlaşmaya keçidə 3 dəfə cəhd edilib. Nəhayət 3-cü cəhd uğurla nəticələnib və...Tibb Universitetinin kitabxanasında olan «köhnə nəşrli – rus dilli» bütün kitablar elektron kataloqa salınıb.