Kölgəm kimi izləməkdə,
Bir qəfil olacaq məni.
Üstündə gəzdiyim torpaq
Altına alacaq məni.
Ruhum uçsa can soyuyar,
Damarımda qan soyuyar.
Öləndə insan soyuyar -
İsitməz od-ocaq məni.
Sözümdən sətir bilənlər,
Dəyərim nədir bilənlər,
Hal əhli, qədirbilənlər
Axtarıb bulacaq məni.
BU HAVADA
Hər şeyə vaxt tapıram
Vaxt itirə-itirə.
Başıma tac qoyuram
Taxt itirə-itirə.
Bu havada havam yox -
Boğur məni boğanaq.
Ömür örkən misallı,
Əcəl də ki, doğanaq...
"Azərbaycan" juranlı
