Norveç polisi terror aktlarına gec reaksiya verməkdə günahlandırılır

Norveçin hakim dairələri iyulun 22-də törədilmiş terror aktları zamanı polisin fəaliyyətini araşdıracaq.

Bu barədə Norveçin baş naziri Yens Stoltenber jurnalistlərə açıqlamasında deyib.

Polis bu terror aktları zamanı baş verənlərə lazımınca çevik reaksiya verməməkdə ittiham olunur.

İyulun 22-də Anders Breivikin paytaxt Oslo və Utiyya adasında törətdiyi hücumlarda 76 adam ölüb.