Türkan Urmulu. Ikimiz də sezmişdik əslində...

-

Ikimiz də sezmişdik əslində
Sonradan eşq ola bilən
O adsız duygunun gizəmini
Eşq dediyin nədir ki?
Sən ən yaraşıqlı ərkək
Mən isə ən gözəl qadın olduqdan sonra ...
Göz gözə baxıb
Öpüşmək
Yaşamaq
cəsarət istərdi ancaq ...
Çaxırın belə bizə verəmədiyi bu cəsarətin suçlusu
Səncə eşqmiydi genə də?
Təbii bütün günahlar onundur
ən məsum varlığın!
Bizsə düzgün həyatın qəhrəman insanları
Heç bir kərə denədikmi qorxaqlığın gərçək etirafını?!