Ukrayna xəbərlərində müharibə terminologiyası artır (2-4 may xronikası)

^{Mayın 3-də Luqanskda girov götürülən 2 ictimai fəal azad olunub. Luqansk hərbi komissralığına hücum zamanı çəkilən dramatik videoya burada baxmaq olar (diqqət! videoda ədəbsiz sözlər işlədilir).}

Ukraynanın baş naziri Odessaya gedib

Mayın 4-də Ukraynanın baş naziri Arseniy Yatsenyuk Odessaya səfər edib.

Yatsenyuk bundan əvvəl BBC-yə deyib ki, o, şəxsən təhlükəsizlik qüvvələrini zorakılığı önləmək üçün “heç nə etməməkdə” ittiham edir.

Ancaq o, rusiyayönlü nümayişçiləri zorakılığı “qızışdırmaqda” ittiham edib.

O, həmçinin “tam, bitkin və müstəqil təhqiqat” vəd edib.

Avropa Birliyinin xarici siyasət rəhbəri Catherine Ashton bəyanatında bildirib ki, AB “hər bir kəsi təmkin göstərməyə və bu (Odessa) faciədən daha çox nifrəti, bölücülüyü və şüursuz zorakılığı qızışdırmamağa” çağırıb.

Ashton Odessadakı yanğının “müstəqil” araşdırılmasına çağırıb.

Konstantinovka kənarında döyüş

Ukraynada ən qanlı hadisə

Odessada baş verənlər Ukraynada fevraldan bəri ən qanlı hadisə sayılır. Fevralda Kiyevdə indi artıq devrilmiş prezident Viktor Yanukovych əleyhinə etirazlarda 80-dən çox adam ölmüşdü.

Rusiya hökumətinin sözçüsü deyib ki, indi Ukraynanın mayın 25-də prezident seçkisi keçirməsi “absurd” olardı.

ABŞ Dövlət Katibi John Kerry Rusiyanın xarici işlər naziri Sergei Lavrovla telefon söhbətində vurğulayıb ki, Rusiya separatçıları dəstəkləməyə davam etsə, daha çox sanksiya ilə üzləşə bilər.

Azadlığa buraxılmış ATƏT müşahidəçilərindən biri, çex müşahidəçi Josef Prerovsky televiziya müxbirlərinə deyib ki, onlar əsirliyin ilk saatlarını zirzəmidə əlləri və gözləri bağlı keçiriblər.