«İSTEFA» XƏBƏRDARLIĞI
Fuad Qəhrəmanlı AzadlıqRadiosuna bildirib ki, meydanda «istefa» səsləndiyi təqdirdə elektrikin kəsiləcəyi ilə bağlı onlara xəbərdarlıq edibmiş:
«Psixoloji basqı yaratmaq istəyirlər. Əvvəlcə jurnalistlər üçün dəmir qəfəs düzəltmişdilər ki, ordan işləsinlər. Biz buna etiraz etdik. «İstefa» şüarı ilə bağlı da dedik ki, istədiyi şüarı səsləndirmək mitinq iştirakçılarının öz hüququdur. Axırda məcbur qalıb elektriki verdilər».
İŞİĞI KƏSDİLƏR
Mitinqdə elektrik cərəyanı kəsilib. Bu xəbəri eşidən mitinq iştirakçıları «İstefa», «Azadlıq» deyə qışqırırlar.
Mitinq aparıcısı - Əsas odur ki, sizin azadlıq eşqinizin işığı sönməsin!
Mitinqdə «Avropa Birliyi ilə Assosiativ saziş imzalansın», «Seçki Məcəlləsi dəyişdirilsin», «Siyasi repressiyalara son qoyulsun» və s. şüarları qaldırılıb.