Xədicə İsmayıl Kürdəxanıya köçürülüb
Dekabrın 6-da səhər saat 11-də Xədicə İsmayıl 2 saylı Bakı İstintaq Təcridxanasına köçürülüb.
Dekabrın 5-də məhkəmə ona 2 aylıq həbs kəsəndən sonra o, Nərimanov rayonunda yerləşən müvəqqəti saxlanma təcridxanasına aparılmışdı.
Mətbuat Şurası: «Xədicə İsmayılın işinin obyektiv araşdırılmasını istəyəcəyik»
«Mətbuat Şurası jurnalist Xədicə İsmayılın həbsini diqqətdə saxlayacaq. Biz işin obyektiv araşdırılmasını istəyəcəyik».
Mətbuat Şurasının sədri Əflatun Amaşov bunu AzadlıqRadiosuna Xədicə İsmayılın həbsinə münasibət bildirərkən deyib.
O bildirib ki, məsələnin obyektiv araşdırılması üçün hüquq-mühafizə orqanlarına müraciət edəcəklər:
«Bu məsələ hüquqi müstəvidədir. Biz çalışacağıq ki, baş verən olay qanun çərçivəsində hüquqi müstəvidə həll olunsun. Biz həm də çalışacağıq ki, bu məsələ ilə bağlı ictimaiyyət və jurnalistlər obyektiv informasiya almaq imkanı əldə etsin».
#khadija «New York Times» Xədicənin həbsindən yazdı http://t.co/eEkJMEUQuu http://t.co/oOHVKtjuK3
— AzadliqRadiosu (@RadioAzadliq) 6.12.2014
Xədicə İsmayılın evinə axtarışa gəliblər
Bakı Prokurorluğunun 15-dək əməkdaşı axtarış aparmaq üçün Xədicə İsmayılın evinə gəlib.
Bu haqda AzadlıqRadiosuna jurnalist Əfqan Muxtarlı məlumat verib. Onun dediyinə görə, Xədicə İsmayılın ailə üzvləri, hələlik, axtarışa icazə vermirlər:
«Bir mikroavtobus, bir də minik avtomobilində gəliblər. Hazırda buradayıq. Ailə üzvləri prokurorluq əməkdaşlarını içəri buraxmır, vəkilləri çağırıblar. İstəyirlər ki, axtarış onların iştirakı ilə olsun. Gələnlər, hələlik, avtomobillərində oturub gözləyirlər».