“Bir hüquq müdafiəçisi kimi Lamiyə Quliyevanın azad edilməsi faktını alqışlayıram. Bu məsələni ilk dəfə məhz mən ictimaiəyyətin mühakiməsinə çıxardım”. Bunu İşgəncələr Əleyhinə Komitənin sədri Elçin Behbudov fevralın 20-də Turan agentliyinə müsahibəsində bildirib.
Hüquq müdafiəçisi qeyd edib ki, o bu məsələnin sonunadək Araşdirmaq istərdi.
“İstənilən qadının ana olmağa hüququ var, amma həbsdə olan qadının yox.
Biz Quliyevaya qarşı zorakılıq faktı olduğunu təxmin edirdik. Lakin o, vəkili vasitəsilə ona qarşı zorakılıq olduğunu təkzib edib. Məhz buna görə də mən kənara çəkildim. Zorakılıq faktı təsdiqini tapsaydı, bu məsələdə sonuna qədər gedərdim”, deyə o bildirib.