-
İyunun 12-də bir qrup beynəlxalq hüquq müdafiəçisi Azərbaycanın Londondakı səfirliyi qarşısında «İnsan hüquqları üçün idman» kampaniyası çərçivəsində etiraz aksiyası keçirib.
İştirakçılar Azərbaycanda siyasi məhbusların buraxılmasını tələb ediblər. Onlar əllərində hüquq müdafiəçiləri Rəsul Cəfərov, İntiqam Əliyev, Leyla Yunus, Emin Hüseynov, jurnalist Xədicə İsmayıl və Seymur Həzinin portretləri olan plakatlar tutublar.
Fəallar üzərində sözügedən şəxslərə azadlıq tələb edən şüarlar yazılan köynəklər geyiniblər, «Tənqid cinayət deyil!» plakatını qaldırıblar.
Aksiya Avropa Oyunlarının açılışına həsr olunub.
Avropanın digər şəhərlərində də analoji aksiyaların keçirilməsi planlaşdırılır. /Turan/