Bir özəl bank bağlandı, biri də idarəçiliyə götürldü
Mərkəzi Bank "Evrobank"ı bağladı, "Azərbaycan Kredit Bank"ını isə idarəçiliyə götürdü. Evrobankda əhalinin əmanətləri yoxdur, Kredit Bank-da isə azdır.
İlham Əliyev: “Ermənistan danışıqlar prosesini boykot edir”
Nazirlər Kabinetinin iclasında APA-nın məlumatına görə, İlham Əliyev deyib: "Ermənistan-Azərbaycan, Dağlıq Qarabağ münaqişəsinin həllində heç bir irəliləyiş yoxdur”.
İlham Əliyev: "O qətnamələr bizim üçün kağız parçasıdır"
İlham Əliyev Nazirlər Kabinetinin iclasında deyib: “Bu yaxınlarda Avropa Oyunları zamanı Avropa Şurası Parlament Assambleyasında qətnamə qəbul edildi. Qətnamənin mətnində məruzəçilər tərəfindən mətndə yazılmışdı ki, Assambleya nəzərə alır ki, Azərbaycan torpaqları işğal altındadır. O cümləni götürüb dəyişirlər, yazırlar ki, Assambleya nəzərə alır ki,Dağlıq Qarabağ münaqişəsi mövcuddur. Bu, nə deməkdir?! Bu, açıq-aydın anti-Azərbaycan mövqeyidir”.
İlham Əliyev: Almaniya Bundestaqının bizimlə nə işi var?
İlham Əliyev Nazirlər Kabinetinin iclasında deyib: "Birinci Avropa Oyunlarının açılışına iki gün qalmış Avropa Parlamentində Azərbaycana qarşı qərəzli qətnamə müzakirəyə çıxarılsa da, qəbul olunmadı. Almaniya Bundestaqında isə anti-Azərbaycan məzmunlu qətnamə qəbul edildi. Bu da bir daha ölkəmizin, onun uğurlarını gözdən salmağa çalışan çirkin kampaniyanın tərkib hissəsidir. Sual olunur, Almaniya Bundestaqının bizimlə nə işi var, Almaniya Bundestaqı özünü nə zənn edir? Dünyanın ağasıdırmı, dünyaya hakimdirmi, hamı onlara tabemi olmalıdır? Görünür ki, onlar pis öyrəşiblər, amma bizi başqaları ilə müqayisə etməsinlər. Bizim onlarla münasibətlərimiz distansiya çərçivəsindədir, bizim onlardan heç bir istəyimiz yoxdur. Əksinə, bizim qazımız, kontraktlarımız, neftimiz, bizim bu coğrafiyada, ərazidə fəaliyyətimiz onlara lazımdır”.