"Kubik-Rubik"in 40 yaşı olur

-

Bütün zamanların ən məşhur oyuncağı

"Kubik-Rubik" oyuncaqdır, tapmacadır, həm də yaradıcısının fikrincə, incəsənət əsəridir və daha çox şeydir.

1975-ci ildə macar arxitektoru Ernő Rubik bu oyuncağı tələbələrinə dərs vəsaiti kimi düzəldib. Həmin vaxt o, İnşaat və Arxitektura fakültəsində dərs deyirmiş.

Kubik əvvəlcə Nyu-Yorkda satışa çıxıb. Yaranmasından 40 il sonra bu kubikin orijinalı (saxtalarını saymasaq) dünyada 350 milyon ədəd satılıb. O, özü belə çox satış, belə böyük uğur gözləmirmiş.

Macar ixtiraçı deyir ki, əvvəl özü də bu kubiki həll edə bilmirmiş. Bir ay baş sındırandan sonra onun çəmini tapıb - hər rəngi bir tərəfinə düzə bilib. Indi isə onun ən müxtəlif konfiqurasiyalarını əzbər bilir.