AZADLIQRADİOSU AZƏRBAYCAN HAKİMİYYƏTİNİ ÖZ ƏMƏKDAŞLARINA MƏNƏVİ TERRORA SON QOYMAĞA ÇAĞIRIR
AzadlıqRadiosu Respublika Prokurorluğu tərəfindən son günlər ünvanına səslənən ittihamları qətiyyətlə rədd edir, bu məlumatların yalan, təxribat və böhtan olduğunu bildirir.
AzadlıqRadiosu Azərbaycan hakimiyyətini öz əməkdaşlarına qarşı mənəvi terroru dərhal dayandırmağa, istintaqdan siyasi alət kimi istifadə edilməsinə son qoymağa çağırır.
Azad Avropa AzadlıqRadiosunun rəhbəri Nenad Pejic-in öncədən bəyan etdiyi kimi, bütün bunlar ölkə rəhbərliyinin əmri ilə həyata keçirilən bu addımlar AzadliqRadiosunun susdurulmasına yönələn quldurluğun tərkib hissəsi, mustəqil jurnalistikaya görə radiodan qisas almaq cəhdidir.
Xədicə İsmayılı ev dustaqlığına buraxmadılar
Bakı Apellyasiya Məhkəməsi AzadlıqRadiosunun araşdırmaçı jurnalist Xədicə İsmayılın Səbayel rayon məhkəməsinin qərarından şikayətini təmin etməyib.
Vəkili ona qarşı seçilmiş 2 aylıq həbs-qəti imkan tədbirinin ev dustaqlığı ilə əvəz edilməsini istəmişdi.
Jurnalisti həmkarı Tural Mustafayevi intihar həddinə çatdırmaqda ittiham edirlər.
X.İsmayıl ittihamı rədd edir.
X.İsmayıl dekabrın 5-də həbs edilib.
Dekabrın 30-da AzadlıqRadiosunun əməkdaşlarının Baş Prokurorluğun Ağır Cinayətlərə Dair İşlər İdarəsində dindirilməsi davam edib. Həmin gün Radionun daha iki əməkdaşı müstəntiqlərin suallarını cavablandırıb.
Radionun Bakı bürosunun keçmiş koordinatoru 3 saata yaxın dindirilib - sözügedən idarədə istintaq olunan cinayət işi ilə bağlı şahid qismində. Dindirmədə onu hüquqşünas Namizəd Səfərov müşayiət edib.
#AzadliqRadiosu ABŞ rəsmisi: "Kerry Əliyevlə telefonla danışıb" http://t.co/vfdPN9eWOe via @radioazadliq
— AzadliqRadiosu (@RadioAzadliq) 30.12.2014