Azərbaycanda növbədənkənar prezident seçkiləri

"Ekzit-poll"un nəticələri açıqlanandan sonra Bakı və Sumqayıtda prezident İlham Əliyevin qələbəsini qeyd etmək üçün avtoyürüş təşkil olunub.

7 fevral prezident seçkilərində bir neçə təşkilatın "ekzit-poll" keçirdiyi bildirilir. Maliyyə mənbələrini tam açıqlamayan həmin təşkilatların vurğulamasına görə, İ.Əliyev səslərin 90 faizindən çoxunu qazanaraq qalib olub.

Səsvermə günü Azərbaycanın xaricindən necə göründü? Azərbaycan üzrə təhlilçi, ABŞ-ın Bakıdakı keçmiş səfiri Riçard Kazlariç deyir ki, bu dəfə ölkədən çıxan informasiya daha məhduddur, seçki haqda internetdə məlumat daha azdır: "Məndə elə təəssürat yarandı ki, bu dəfə beynəlxalq müşahidəçi elə də çox deyildi. Bir neçə kiçik qrupun çəkdiyi fotoları gördüm. Onlarla ciddi şəkildə müşahidə aparmaq imkanı yox idi. Sosial media fəalları və jurnalistlər həbs olunduqları üçün adamlar seçki pozuntularını smartfonlarla və s. çəkib göndərməyə çəkinirlər. Daxili müşahidəçilərin gün ərzində informasiya toplamaq imkanı olmadı. Məncə, jurnalistlərə və müxalifətə olan təzyiqlər müşahidə prosesinə mənfi təsir etdi".

Bəzi məntəqələrdə bülletenlərin üzərinə siyasi məhbus sayılan şəxslərə azadlıq şüarı yazılıb.

Rəsmilər ölkədə siyasi məhbusların olması ilə bağlı deyilənləri qəbul etmirlər.

Prezident seçkisində son durum nədir? Seçkilər necə gedir? Ekspertlər seçkiləri necə dəyərləndirir?