Azadlıq Radiosuna edilən şikayətlərin birində bildirilir ki, 23 saylı Nəsimi-Səbail seçki dairəsinin 1 saylı seçki məntəqəsində səyyar səsvermə üçün 18 ərizə olub.
"Ancaq qutudan 38 səs çıxdı. Bütün səslər İlham Əliyevədir. 20 əlavə bülleten atılıb", - mənbələrdən biri vurğulayıb.
Bu deyilənlərə həmin dairədən və MSK-dan münasibət almaq mümkün olmayıb.
Müşahidəçilərə protokolların verilməməsindən şikayətlər var
Bakıdakı bəzi seçki dairələrinin bir sıra məntəqələrində müşahidəçilərə səsvermənin nəticələrinə dair protokolların verilməməsi ilə bağlı şikayətlər var.
Bəzi məntəqələrdə müşahidəçilərə protokolların, ümumiyyətlə, verilmədiyi, bəzilərində isə bunu qaralama şəkilində təqdim etdikləri deyilir.
Protokolun verilmədiyi yerlərdən biri kimi 17 saylı Yasamal III seçki dairəsinin adı çəkilir.
Bu şikayətlərə, hələlik, nə həmin dairədən, nə də MSK-dan münasibət almaq mümkün olub.
"Pensiya 10 manat qalxıb, onunla nə edəsən?" - Şamaxıda seçki sorğusu
"Ekzit-poll"un nəticələri açıqlanandan sonra Bakı və Sumqayıtda prezident İlham Əliyevin qələbəsini qeyd etmək üçün avtoyürüş təşkil olunub.
7 fevral prezident seçkilərində bir neçə təşkilatın "ekzit-poll" keçirdiyi bildirilir. Maliyyə mənbələrini tam açıqlamayan həmin təşkilatların vurğulamasına görə, İ.Əliyev səslərin 90 faizindən çoxunu qazanaraq qalib olub.