Azərbaycana gətirilən minik avtomobillərinin 24 faizi Rusiyanın payına düşür. 2015-ci illə müqayisədə idxalçıların Rusiyadan gətirdikləri minik maşınlarının xüsusi çəkisi 3 dəfə artıb.
Rəsmi məlumatlara görə, birinci rübdə gətirilən minik maşınlarının 286-sı Rusiya istehsalıdır. Rusiya avtomobillərinin idxalı 20 faiz azalıb. Bununla belə, Rusiya Azərbaycana minik avtomobili ixracında birinciliyi əldən verməyib. Digər tərəfdən, diqqətçəkən məqam odur ki, bu ölkədən aidxallınan maşınların orta qiyməti 2 dəfə qalxıb. Üç ayda Rusiyadan alınan bir ədəd minik maşınının orta qiyməti 8 min 741 dollar, ötən il isə 4 min 317 dollar olub.
Buna da bax: Avtomobil idxalında canlanma
Ən baha maşınlar Britaniyadan gəlir
Almaniya Azərbaycana satılan minik maşınlarının sayına görə Koreyanı sıxışdıraraq ikinci yerə çıxıb. Ən bahalı avtomobillər isə Britaniya istehsalıdır: bu ölkədən gətirilən 12 avtomobilin orta qiyməti 135 min dollar olub. İlin əvvəlindən mühərrikinin həcmi 3 min kub sm-dən çox olan minik maşınlarının sayı təxminən 2 dəfə artıb və 131 ədəd olub. 2015-ci ilin yanvar-mart aylarında 444 ədəd bu cür maşın gətirilmişdi.
2017-ci ilin yanvar-mart aylarında Azərbaycana ən çox minik avtomobili ixrac edən ölkələr:
Buna da bax: Avtomobilləri gömrük bahalaşdırır
|
Ölkələr |
Yanvar-mart 2017, ədəd |
Gömrükdə bəyan edilən ümumi qiymət, min ABŞ dolları |
Yanvar-mart 2016, ədəd |
Gömrükdə bəyan edilən ümumi qiymət, min ABŞ dolları |
|
Rusiya |
286 |
2500 |
359 |
1550 |
|
Almaniya |
239 |
7819 |
117 |
3634 |
|
Yaponiya |
113 |
3016,8 |
135 |
4418 |
|
Çin |
105 |
995 |
15 |
324 |
|
Koreya |
69 |
927,7 |
272 |
3950 |
Mənbə: DGK
Maşın idxalı azalıb
Dövlət Gömrük Komitəsi bu ildən başlayaraq gömrük statistikasında həm yeni, həm də «ikinci əl» minik maşınlarının sayını açıqlayır. Di gəl, indi distribütorların gətirdikləri avtomobillərin sayını ayırd etmək olmur. Birinci rübdə xaricdən 1185 ədəd – ötən ildəkindən 50 ədəd az minik maşını idxal olunub.
Buna da bax: Azərbaycanda ən çox “Mercedes” alırlar
Keçən ilin birinci rübündə gətirilən minik maşınlarının 187-si işlənmiş maşınlar idi. İki il öncə isə 3 ayda ölkəyə 6 min 40-ı yeni olmaqla, 9 min 256 minik avtomobili gətirilmişdi.