İtkilər
Ukrayna Müdafiə Nazirliyi bildirir ki, Ukraynada hərbi əməliyyatlar başlayandan bəri 4300-ə yaxın rus əsgəri həlak olub.
Rusiya ordusunun 27 təyyarə, 26 helikopter, 146 tank, 706 zirehli texnika, iki pilotsuz uçuş aparatı, iki gəmi və qayıq və digər texnikanı itirdiyi bildirilir.
Rusiya Müdafiə Nazirliyi ölənlər və hərbi texnika itkiləri barədə hələlik məlumat verməyib.
Putinlə bağlı Haaqa məhkəməsinə müraciət
Ukrayna prezidenti Vladimir Zelenski bildirib ki, Ukrayna Haaqa Beynəlxalq Məhkəməsində Rusiyaya qarşı iddia qaldırıb.
Belçika və İslandiya da Rusiya aviaşirkətləri üçün hava məkanını bağlayırllar.
Belçkanın Baş nazir Aleksandr de Croo:
“İslandiya Ukrayna ilə həmrəylik əlaməti olaraq öz hava məkanını Rusiyanın hava nəqliyyatı üçün bağlamaq qərarına gəlib”, - deyə xarici işlər naziri Thordis Kolbrun Reikfjord Gilfadottir bildirib.
İrlandiya Rusiya təyyarələri üçün hava məkanını bağlayır
İrlandiya Rusiya təyyarələri üçün hava məkanını bağlayacaq. Bu barədə xarici işlər naziri Saymon Koveni Twitter hesabında yazıb.
"Biz digər Avropa İttifaqı (Aİ) tərəfdaşlarını da eyni şeyi etməyə çağırırıq. Həmçinin bu gün biz Aİ-də razılaşdırılacaq yeni genişmiqyaslı sanksiyaları və Ukraynaya yeni yardım paketini dəstəkləyirik", - nazir yazıb.