ABŞ Dövlət Departamenti: “Beynəlxalq hüququ pozduğuna görə biz Putini məsuliyyətə cəlb edəcəyik ”

ABŞ Dövlət Departamentinin sözçüsü Andrea Kalan “Current Time”a deyib ki, ABŞ-ın artıq Ukraynaya müdaxilə etdiyi üçün Vladimir Putin, Sergey Şoyqu və digər Rusiya rəsmilərinə qarşı tətbiq etdiyi sanksiyalar barədə danışıb. Onun sözlərinə görə, bu sanksiyalar sonuncu olmaya bilər:

“Bütün tədbirlər, bütün sanksiyalar masadadır”.

Azərbaycan və Türkiyə prezidentləri Ukrayna ilə Rusiya arasında danışıqları təşkil etmək təklifi ilə çıxış ediblər

Ukrayna prezidenti Volodimir Zelenski Rusiya qoşunlarının Ukraynaya işğalını davam etdirərək paytaxt Kiyevə doğru irəlilədiyi bir vaxtda Azərbaycan və Türkiyənin Moskva ilə danışıqlar təşkil etmək təkliflərini alqışladığını bildirib.

Zelenski fevralın 26-da videomüraciətində Türkiyə prezidenti Rəcəb Tayyib Ərdoğan və Azərbaycan prezidenti İlham Əliyevin danışıqların təşkilinə kömək təklif etdiyini və “biz bunu ancaq alqışlaya bilərik” deyib.

Bununla belə, Kiyev sakinləri ölkələrinə hücumun üçüncü günündə birbaşa hücumuna hazırlaşan Rusiyanın dərhal danışıqlara getməsinin az ümid edirlər.

Türkiyənin xarici işlər naziri Mövlud Çavuşoğlu ötən gün rusiyalı həmkarı Sergey Lavrovdan Ukraynaya hücumu dayandırmasını istəyib. Ankara Rusiyanın Ukraynaya müdaxiləsini “qəbuledilməz” adlandırıb və bundan əvvəl Moskva ilə Kiyev arasında vasitəçilik etməyi təklif edib.

Zelenskinin fevralın 26-da iki lider arasında telefon danışığından sonra Ərdoğanın Türkiyə boğazlarını Rusiya hərbi gəmilərinin girişi üçün bağlamağa razılıq verməsi ilə bağlı şərhləri ətrafında çaşqınlıq yaranıb.

"Rusiya hərbi gəmilərinin Qara dənizə keçməsinə qadağa qoyulması və Ukraynaya əhəmiyyətli hərbi və humanitar dəstək bu gün son dərəcə vacibdir. Ukrayna xalqı bunu heç vaxt unutmayacaq!" Zelenski tvitter hesabında yazıb. Bununla belə, məsələ ilə tanış olan türk mənbələri belə bir qərarın verilmədiyini bildiriblər.

Rusiya ordu hissələrinin Xarkova daxil olması barədə xəbərlər gəlir

Rusiya qoşunları Xarkova daxil olub, vilayət dövlət administrasiyasının rəhbəri Oleq Sinegubov bildirib.

"Yüngül texnikada sıçrayış oldu. O cümlədən şəhərin mərkəzi hissəsində". O, vətəndaşları sığınacaqlarda qalmağa çağırıb. Rusiya Müdafiə Nazirliyi hələlik məlumatı şərh etməyib. Rusiya hərbçilərinin Xarkova daxil olduğunu əks etdirən videolar yayılıb.

Xarkov vilayəti administrasiyasının rəhbəri Rusiya Müdafiə Nazirliyinin Ukraynanın 302-ci zenit-raket alayının təslim olan əsgərləri barədə məlumatının saxta olduğunu bildirib.

"Ukrayna Silahlı Qüvvələrinin bir dənə də olsun döyüşçüsü silahını yerə qoymayıb. Bütün ukraynalı əsgərlər öz döyüş mövqelərindədir", - o yazıb.

Bundan əvvəl Rusiya Müdafiə Nazirliyi Ukrayna Silahlı Qüvvələrinin 302-ci zenit-raket alayının silahı yerə qoyması, 471 nəfərin saxlanılması barədə məlumat yayıb.

Əcnəbilər döyüşmək üçün Ukraynaya çağırılır

Ukrayna prezidenti Volodimir Zelenski yeni bölmənin - Ukraynanın Beynəlxalq Ərazi Müdafiəsi Legionunun yaradıldığını elan edib.

Bu birlik Rusiya hərbçilərinin hücumlarının dəf edilməsində iştirak etmək istəyən əcnəbilərdən təşkil olunacaq.

“Rusiya işğalçılarına qarşı müqavimətə və dünya təhlükəsizliyinin qorunmasına qoşulmaq istəyən bütün əcnəbilər Ukrayna rəhbərliyi tərəfindən dövlətimizə gəlməyə və Ərazi Müdafiə Qüvvələrinin sıralarına qoşulmağa dəvət olunur”, - deyə Ukrayna prezidentinin saytında dərc edilmiş məlumatda deyilir.