Ukrayna böhranı (2-4 iyun xronikası)

İyun 04, 2014

Luqansk və Donetsk vilayətlərinə Rusiyadan daxil olan hərbi yardımın qarşısını almağa can ata Ukrayna hakiiyyətinin bunu necə həyata keçirəcəyi açıqlanmır

- Ukrayna prezidentinin səlahiyyətlərini yerinə yetirən Turchynov vəzifəsinin sonuncu günü ölkə şərqində hərbi vəziyyət elan etmək təklifini səsləndirib.

- Luqanskda 2 günlük döyüşdən sonra Ukrayna sərhədçiləri mövqelərini separatçılara təhvil veriblər

- Avropa səfərində olan Barack Obama Ukraynaya yardım vəd edib, NATO rəhbəri də Ukrayna ordusunun yenidən qurulmasında ölkəyə kömək olunacağını bildirib.

^{_{Ukrayna xəbərləri Canlı Bloq-da daim yeniləndiyindən sonuncu məlumat mətnin əvvəlindədir. «Davamı» düyməsini sıxmaqla bloqu vərəqləmək olar.}}

02:14 2.6.2014

DONETSKDƏ VƏ UKRAYNADA BAŞ VERƏNLƏRDƏN BAŞ AÇMAQ ÇOX ÇƏTİNDİR.

^{_{Ona görə də bu müsahibənin bir hissəsini tərcümə etdik.}}

Embed

О ситуации на востоке Украины

No media source currently available

0:00 0:53:40 0:00

^{Kubandan gələn kazaklar, çeçenlər, osetinlər, Rusiya pavoslav ordusu - Donetskdə toplaşan silahlı qruplaşmalar arasında kim yoxdur ki? Jurnalist Pavel Kazarin AzadliqRadiosunun Rusiya xidmətinə Vostok batalyonu özü ilə eyni düşərgədə olan separatçı qrupları dağıdandan sonra müsahibə verir. Onun fikrincə, Donetsk sakinləri ilə Kiyevdə Avromaydan hərəkatının liderləri arasında mentalitet fərqi var. Deyir Ukraynanın şərqi hələ də sovet dövründə qalıb. Müsahibənin bir hissəsini tərcümə etmişik, maraqlıdır}

10:40 2.6.2014

#Ukrayna Klitschko: Etirazları dağıtmaq üçün gücdən istifadə edilməyəcək http://t.co/lCuvODCXbh
— AzadliqRadiosu (@RadioAzadliq) 2.6.2014

12:55 2.6.2014

LUQANSK SƏRHƏD MƏNTƏQƏSİNDƏŞİDDƏTLİ ATIŞMA

_{Ukrayna təhlükəsizlik qüvvələrinə qarşı irəli sürülən əsas ittihamlardan biri də müxtəlif qurumlar arasında əlaqənin olmamasıdır. Sərhəd qoşunları dəfələrlə şikayət ediblər ki, öz qüvvələri hesabına silahlı terrorçuların hücumlarının qarşısını ala bilmirlər, ordudan isə kömək gəlmir. Eyni zamanda Rusiya ilə sərhəddin mühafizəsi həyatı əhəmiyyət daşıyır. Rusiyadan Ukraynaya keçən silahların və canlı qüvvənin qarşısı alınmasa, Ukraynanın Donetsk, Luqansk, Slavyansk və sair şəhərlərində aparılan antiterror əməliyyatları mənasını itirir, çünki açıq sərhədlə zərəsizləşdirilmiş 1 qrupun əvəzində 2 yenisi peyda olur. Bunu separatçılar da gözəl başa düşdüklərindən Ukrayna sərhədçilərini əsas nəzarət məntəqələrindən sıxışdırmağa can atırlar.

Belə məntələqdən birində, Luqanskın cənubunda yerləşən sərhəd zastavasına səhər saat 4-dən hücum başlayıb. Sərhəd xidmətinin xəbərinə əsasən, gecə saat 1-də əraziyə maşınlarda 100-ə yaxın silahlı gəlib. Onlar sərhəd zastavasının perimetri boyu mövqe tutublar. Səhər saat 4-də hücum başlayıb. Sərhəd qoşunları cavab atəşi açırlar. Ukrayna ordusuna kömək üçün müraciət olunandan sonra əraziyə qırıcı təyyarə gəlib, lakin tərəflər bir-birinə çox yaxın olduğundan döyüşə müdaxiə edə bilməyib.}

13:30 2.6.2014

Luqanskda sərhəd zastavasında döyüşlər davam edir

_{Luqasnk vilayətində Rusiya-Ukrayna sərhəddindəki döyüş 7 saatdan artıqdır davam edir. Ukrayna sərhəd xidməti xəbər verir ki, sərhəd zastavasına hücum edən yaraqlılara daim kömək gəlir, sərhədçilərlə 400-ə yaxın silahlının vuruşduğu bildirlir. Xəbər verilir ki, yaraqlılar separatçıların sevimli “dinc əhali arxasında giizlənmək” taktikasında istifadə edirlər, ətrafdakı yaşayış binalaraında mövqe tutaraq onlara atəş açırlar. Itkilər haqda sərhəd xidmətinin məlumatı belədir 5 yaraqlı öldürülüb, 8-i yaralanıb. Sərhəd qoşunları əsgərlərindən azı 10 nəfər yaralanıb.}

Davamı