Ukrayna böhranı (2-4 iyun xronikası)

<sub>Ukraynanın şərqində Rusiyameylli sakinlərin Kiyev hakimiyyətinə qarşı etiraz mitinqləri keçirlib. Donetskin mərkəzinə toplaşan bir qrup adam Roşen şirkətinin məhsullarını məhv etməklə Ukraynanın yeni prezidenti Petr Poroshenko-nu tanımadıqlarını nümayiş etdiriblər. Poroshenko qənnadı məhsulları istehsal edən müəssisələr şəbəkəsinin sahibidir.

Donetsk vilayətinin cənubundakı Mariupol şəhərində də Rusiyameylli sakinlərin mitinqi keçirib. Mayın 9-da tamamilə yanmış şəhər sovetinin binası qarşısına toplaşan bir qrup şəhər sakini artıq Ukraynanın şərqində ənənəyə çevrilən "xalq liderini" elan ediblər. Şəhər meri Yuri Khotlubey əvəzinə şəhər məmurlarından biri Aleksander Fomenko-nu "xalq meri" elan ediblər.</sub>

KRIMDA RUSİYASAYAĞI DEMOKRATİYA

Krımı Rusiyanın tərkibinə qəbul edəndə preizdent Vladimir Putin elan etmişdi ki, burada milli və dini mənsubiyyətindən asılı olmayaraq hamının hüquları qorunacaq. Lakin çox keçmədi ki, buradan insan oğurluğu, qarət və təzyiqlər haqda gündəlik məlumatlar yayılmağa başladı. Bütün bu hadisələr, qəribə şəkildə yarımadanın Rusiyaya birləşməsindən xüsusi heyranlıq nümayiş etdirməyən adamların başına gəlir. İyunun 1-də Kırmın Pravoslav kilsəsi yerli kazakların hücumuna məruz qalıb.

HƏRBİ XRONİKA SİLSİLƏSİNDƏN

Donetsk vilayətinin Torez şəhərində Ukrayna təhlükəsizlik xidmətinin binası partladılıb. Xəbər verilir ki, binaya “Muxa” tipli qumbaratandan atəş olub. Xəsarət alan yoxdurş

Milli qvardiyanın Maydanın özünümüdafiə üzvlərindən formalaşan bölməsi artıq xidmətə başlayıb. Bu haqda sosial şəbəkədə məlumat verən Ukrayna Təhlükəsizlik şurasının katibi Andrei Parubiy yazır ki, maydançılar Slavyasnk ətrafındakı mövqelərdə xidmət edəcəklər.

Ukrayna sərhəd xidməti məlumat yayıb ki, Luqansk vilayətinin “Melovoe” keçid məntəqəsində saxlanılan Rusiya vətəndaşı etiraf edib ki, Donbassdakı yaraqlı qruplaşmalardan birnin komandirdir. Onun yükündə hərbi geyim, maska, bıçaq və vilayətin xəritəsinin aşkar edilidyi bildirilir.