Avropa Şurası Parlament Assambleyası (AŞPA) Bürosu mütləq səs çoxluğu ilə bu qurumun prezidenti Pedro Agramunt-a etimadsızlığını bildirib.
Bu barədə Ukraynanın AŞPA-dakı nümayəndə heyətinin rəhbəri Vladimir Aryev məlumat yayıb. Onun deməsinə görə, P.Agramunt-un yerini bilmirlər.
Agramunt istefa ərizəsi yazmayıb, Büroya gəlməyib və nəticə etibarilə, əvvəllər vəd etdiyi heç bir bəyanatı yerinə yetirməyib. Assambleya Bürosu mütləq səs çoxluğu ilə ona etimadsızlığını ifadə edib», - Aryev bildirib.
O vurğulayıb ki, AŞPA-da prezidentin vəzifədən geri çağırılması proseduru yoxdur. «İndi reqlament komitəsi bu proseduru işləyib hazırlamalıdır», - deyə o söyləyib.
P.Agramunt-la bağlı qalmaqal aprelin 24-də yaz sessiyasının açılışından dərhal sonra başlayıb.
Deputatlar ondan Rusiya nümayəndə heyətinin tərkibində Suriyaya getməsinin və Bashar al- Assad-la görüşünün səbəbləri barədə izahat tələb ediblər.
Bundan sonra AŞPA-da P.Agramunt-un istefasını tələb ediblər. İttihamlara dözməyən Agramunt üzr istəyib. Onun istefa verəcəyi gözlənirdi.
