Səfir hesab edir ki, AzadlıqRadiosu əməkdaşlarının dindirilməsi radionun tənqidi yazılarına görə deyil
Elin Süleymanovun 2013-cü ildə Vaşinqtonda çıxışından
ABŞ-ın “The Wall Street Journal” qəzetində Azərbaycanın bu ölkədəki səfiri Elin Süleymanovun məktubu dərc edilib.
APA-nın xəbərinə görə, Elin Süleymanov “Freedom House” təşkilatının keçmiş rəhbəri, Vaşinqtondakı Makkeyn İnstitutunun direktoru David Kramerin “AzadlıqRadiosunun Bakı bürosu ilə bağlı tənqidlərinə cavab verib.
Səfir bildirib ki, Azərbaycanda aparılan istintaqın ABŞ-a qarşı meydan oxumaq şəklində qiymətləndirilməsi sovet dövründə “əzilən, məsum ABŞ kommunistləri”nin azad edilməsi uğrunda kampaniyanı xatırladır: “SSRİ-də yaşamış biri kimi, mən təəssüflə qeyd etməliyəm ki, bir neçə onillik ərzində ideoloji dezinformasiya kampaniyalarının metodları dəyişməz qalıb”.
Səfir qeyd edib ki, David Kramerin müdafiə etməyə çalışdığı Leyla Yunus beynəlxalq həkim briqadası tərəfindən müayinə olunaraq sağlam hesab edilib, “AzadlıqRradiosunun Bakı bürosu əməkdaşlarının dindirilməsi isə bu KİV-in yaxşı məlum olan ümumi problemi - maliyyə idarəçiliyi ilə bağlıdır.
#AzadliqRadiosu BBC News - Azerbaijan: Fears over human rights intensify http://t.co/HOLU6GO3il
— AzadliqRadiosu (@RadioAzadliq) 9.1.2015
"Azərbaycan ABŞ-a meydan oxuyur"
WSJ-da dərc olunan yazının müəllifi D.Kramer öz şərhini belə bri faktla başlayır ki, AzadlıqRadiosunun jurnalisti Xədicə İsmayıl həbs olunandan sonra Dövlət katibinin yardımçısı Tom Malinowski Bakıya xəbərdarlıq etdi. Bundan cəmi 8 gün sonra Azərbaycan hakimiyyəti xəbərdarlığa AzadlıqRadiosunun Bakı ofisinə hücumla cavab verdi. Müəllifin fikrincə, bu hərəkətləri ilə Azərbaycan hakimiyyəti ABŞ-a meydan oxuyur və Obama administrasiyasını Azərbaycanda insan haqlarını pozan dövlət məmurlarına sanksiya tətbiq etməyə çağırır. Ətraflı burada oxu
Konqresmen Azərbaycanı AzadlıqRadiosunun işinin bərpasına çağırıb
ABŞ Konqresinin Xarici İşlər Komitəsinin aparıcı demokrat üzvü, konqresmen Eliot L. Engel Azərbaycan hakimiyyəti tərəfindən AzadlıqRadiosunun Bakı bürosuna keçirilmiş reyd və əməkdaşların dindirilməsi haqqında bəyanatla çıxış edib:
“Mən AzadlıqRadiosu və onun heyətinə qarşı Azərbaycan hökuməti tərəfindən yol verilmiş hərəkətlərdən dərin narahatlıq keçirirəm. Mətbuat azadlığı demokratiyanın məhək daşıdır və AzadlıqRadiosu Avropa boyunca həmişə bütöv nəsillər üçün etibarlı, qərəzsiz xəbər və informasiyaların mənbəyi olub. AzadlıqRadiosu Bakı Bürosunun hökumət rəsmiləri tərəfindən möhürlənməsi ilə bu mənbə susdurulub və azadlıq hücuma məruz qalıb” – deyilir bəyanatda.
Konqresmen Eliot L.Engel daha sonra deyib:
“Azərbaycan Rusiya və İranla həmsərhəd mühüm strateji ölkə olmaqla yanaşı enerji ehtiyatlarının aparıcı təchizatçısıdır. Sözü gedən hərəkətlərin davam etməsi Azərbaycanda demokratiyaya yalnız xələl gətirə bilər. Mən Bakıdakı liderləri AzadlıqRadiosunun öz işini bərpa etməsinə imkan yaradılmasına və radionun əməkdaşlarına qarşı təqiblərin dayandırılmasına çağırıram”.